Социальнай өҥө нобуоруттан аккаастаныы

Социальнай өҥө нобуоруттан (НСУ) аккаастанан баран ол сууматын харчынан ылыахха сөп. 

Өскөтүн сайабылыанньаны алтынньы 1 күнүгэр диэри биэрдэххитинэ, нобуору кэлэр сыл тохсунньу 1 күнүттэн харчынан солбуйаллар. Оттон хойутуу биэрдэххинэ – сыл эрэ буолан баран харчынан кэлэр.

Бу кэннэ сыл аайы ону бигэргэтэр наадата суох – НСУ харчынан ыла сылдьаҕын, хаһан төттөрү уларытарга сананан сайабылыанньа биэриэххэр диэри.

Оттон СФР сайтыгар сайабылыанньаны биэрбит буоллаххытына, Госуслуга нөҥүө хос биэрэр наадата суох.

Биир эбэтэр хас да өҥөттөн аккаастаныахха сөп. Холобур, биир өҥөнү харчынан ылаҕын, иккини – натуральнай көрүҥүнэн.

НСУ аккаастанар түбэлтэҕэ, ЕДВ талбыт өҥөҕүнэн учуоттанан хос ааҕыллар. Онон, биэнсийэҕэр эбии харчыны аахтараҕын.

Онлайн хайдах аккаастаныахха сөбүй?

Социальнай өҥө нобуоруттан (НСУ) аккаастанан электроннай сайабылыанньа суруйарга бэрт боростуой аҕыйах хардыыны оҥороҕут:

1. Арассыыйа Пенсионнай пуондатын сайтыгар www.pfrf.ru гражданин Тус кабинетыгар киирэҕит, логиҥҥытынан туһанаҕыт уонна Госуслуга порталыттан парольгутун.

2. «Социальные выплаты» салааҕа наадыйар сайаабылыанньаҕытын булаҕыт, холобур, «Подать  заявление об отказе от набора социальных услуг (НСУ)».

3. Ханна олороргутунан ПФР территориальнай органын талаҕыт (регион, оройуон эбэтэр административнай киин). Маныаха ПФР органын территориальнай аата тахсан кэлиэ. «Сохранить» диэн кнопканы баттыыгыт. Салгыы сайабылыанньаҕытын хайдах биэрэргитин ыйаҕыт: тус бэйэҕит эбэтэр бэрэстэбиитэл нөҥүө. Онтон «Следующий шаг» диэн кнопканы баттыыгыт.

4. Сайабылыанньаҕа киллэрэр дааннайдар: Аата, араспаанньата, аҕатын аата, дьахтар дуу, эр киһи дуу, СНИЛС, төрөөбүт сыла, күнэ, гражданствота, олорор сирэ, пааспарын дааннайдара, ону таһынан электроннай почтатын аадырыһа, төлөпүөнүн нүөмэрэ. «Следующий шаг» диэн кнопканы баттыыгыт.

*Өскөтүн сайабылыанньа бэрэстэбиитэл нөҥүө бэриллэр буоллаҕына, бэрэстэбиитэл дааннайдарын эмиэ толоруохха наада, кини боломуочуйаларын бигэргэтэн, барытын киллэрэн туран.

5. «Виды НСУ» салааҕа социальнай өҥө (өҥөлөр) диэни талаҕыт, ол кэннэ аккаас оҥоһуллар (ол утары галочката туруоруҥ). «Следующий шаг» кнопканы баттааҥ.

 «Подтверждение данных» салааҕа баар иһитиннэриини билсиҥ уонна сөптөөх галочкалары туруортааҥ.  

7. «Сформировать заявление» кнопканы баттааҥ.

Электроннай сайабылыанньаны толорбуккут кэннэ Тус кабинеккытыгар эһиги сайабылыанньаҕыт ылылынна диэн иһитиннэрии кэлиэҕэ.

БОЛҔОЙУҤ! Үөһээ этэн аһарбыппыт курдук, Арассыыйа ПФР уорганыгар бу сыл алтынньы 1 күнүгэр диэри сайабылыанньаҕытын суруйуоххутун наада. Бэриллибит сайабылыанньа кэлэр сыл тохсунньу 1 күнүттэн үлэлиир.

Бу туһалаах! 

Гражданин Тус кабинетыгар маны таһынан социальнай өҥө нобуорун ылыыга, салгыы НСУ ыларгыт туһунан сайабылыанньалары эмиэ биэриэххэ сөп.