Социальнай бырайыагы өйүүр мээр граныгар сайаапканы хомуйаллар

Социальнай суолталаах бырайыактары өйүүр тэрээһиннэри олоххо киллэриигэ көмөлөһөр Дьокуускай куорат уокуругун баһылыгын грана диэн баар. Онно киирсиэн баҕалаахтартан сайаапкалары хомуйуу саҕаламмыт. Балаҕан ыйын 3 күнүгэр диэри туттарыахха сөп. Маннык граны социальнай хайысхалаах кэмиэрчэскэйэ суох тэрилтэлэр ылар кыахтаахтар. Кимиэхэ ананара куонкурус түмүгүнэн быһаарыллар.

Санатар буоллахха, куонкурс социальнай хайысхалаах кэмиэрчэскэйэ суох тэрилтэлэр уопсастыбаҕа суолталаах бырайыактарыгар куорат бүддьүөтүттэн кыттыгас үбүлээһини көрөн, өйүүр сыаллаах.

Граҥҥа киирсиэн баҕалаахтар, куонкурска сайаапкалаһар кэмнэригэр юридическай сирэй быһыытынан регистрацияламмыт уонна Дьокуускай сиригэр-уотугар биир күнтэн итэҕэһэ суох үлэлээбит буолуохтаахтарын сокуон ирдиир.

Бырайыактары Дьокуускай куорат уокуруктааҕы дьаһалтатын 2025 сыл от ыйын 24 күнүнээҕи 187 П №-дээх «Социальнай суолталаах бырайыактары өйүүр тэрээһиннэри олоххо киллэриигэ граны биэрии Бэрээдэгин бигэргэтии туһунан» уурааҕар олоҕуран, туталлар.

Куонкурус номинациялара:

1.Оҕолорго, уустук олохтоох дьоҥҥо көмөлөһөр хайысхалаах социальнай уонна уопсастыбаннай тэрилтэлэри, аһымал бырайыактары өйөөһүн;

2.Наркотигы, арыгыны утарарар, чөл олоҕу, маассабай спорду, патриотическай иитиини пропагандалыыр үлэ;

3.Култуура уонна искусство сайдыытын өйүүр бырайыактары өйөөһүн.

Сайаапканы толоруу уонна биэрии бэрээдэгэ:

Сайаапканы талыы кыттыылаахтара «Электроннай бүддьүөт» тиһик веб-интерфейсин экраннай формаларын толорор ыыталлар, ирдэнэр докумуоннар электроннай куоппуйаларын (кумааҕынан докумуоннары сканнаан) тиһиккэ киллэрэн, электроннай көрүҥүнэн толороллор.

Сайаапканы кытта өссө тугу холбуу угуллуохтааҕый?

а) Талыы кыттыылааҕа граны ыларга ирдэнэр ирдэбиллэргэ сөп түбэһэрин туоһулуур иһитиннэриилэри, докумуоннары;

б) Сайаапка туттарыллыан иннинээҕи ыйга, сайаапка бэриллибит күнүттэн 30 күнтэн итэҕэһэ суох кэм анараа өттүгэр бэриллибит юридическай сирэйдэр биир кэлим судаарыстыбаннай реестриттэн выписканы;

в) Талыыга кыттааччы учредительнэй (төрүттэммит) докумуоннарын;

г) Талыы кыттыылааҕын аатыттан дьайыыны оҥорор бырааптаах сирэйи бигэргэтэр докумуонун;

д) Талыы кыттыылааҕын, кини сайаапкатын туһунан уонна субсидия ыларга талыы кыттыылааҕын кытта сибээстээх атын иһитиннэриилэри Интэриниэккэ таһаарарга сөбүлэҥи (бу сөбүлэҥ «Электроннай бүддьүөт» тиһик веб-интерфейһын экраннай формаларын толоруу нөҥүө оҥоһуллар);

е) Сайаапканы сыаналааһын киритиэрийдэригэр сөп түбэһиини туоһулуур иһитиннэриилэри уонна докумуоннары;

ж) Бу Бэрээдэк 2 №-дээх сыһыарыытыгар баар олоҕурбут халыыптаах бырайыагы;

з) Социальнай суолталаах бырайыагы олоххо киллэрэргэ көрсүллэр ороскуот симиэтэтэ (Бэрээдэк 3 №-дээх сыһыарыытыгар олоҕурбут халыыптаах), былааннанар ороскуот оруннааҕын туоһулуур докумуоннарын уонна ааҕыылары;

 з) Сайаапка граҥҥа анньыһааччы эбэтэр кини боломуочуйалаабыт сирэйин квалификациялаах электроннай илии баттааһына бигэргэтиэхтээх.

Талыы кыттыылааҕа бииртэн элбэх сайаапканы биэриэ суохтаах.

Сайаапканы биэрэргэ сигэ маннык: https://promote.budget.gov.ru/public/minfin/selection/view/fdcad78e-9548-4ecf-a984-61a4fb412169?showBackButton=true&competitionType=0

Эбии иһитиннэриини 40-80-46 төлөпүөҥҥэ эрийэн билиэххэ эбэтэр grant_yakutsk@mail.ru электроннай аадырыска суруйан ыйыталаһыахха сөп.

Судаарыстыба үбүнэн өйүүр миэрэлэрин көрөр портал саайтыгар үлэлииргэ табыгастаах буоларын туһугар Yandex эбэтэр Chromium браузердарын туһанарга сүбэлииллэр.

Бу туһунан Дьокуускай Уопсастыбаннай сибээскэ уонна ыччат бэлиитикэтигэр управлениета иһитиннэрэр.