СКЭ уонна апелляция туһунан
Уопсайа кэлим эксээмэҥҥэ 2302 киһи суруйтарбыт. Оҕолор бу биридимиэттэртэн чуолаан биологияны биһирээн талбыттар – 1329, географияны – 207, омук тылларын – 766 үөрэнээччи. Ити иһигэр 763 киһи английскайы туттарар эбит буоллаҕына, 3 оҕо – кытай тылын.
Манна даҕатан, апелляция туһунан билсиэҕиҥ. Рособрнадзор СКЭ-2026 түмүгэр ылбыт сыананы апелляциялыыр бэрээдэги таһаарбытын РИА Новости суруйар. Онно этиллэринэн, эксээмэн түмүгэ биллэриллибит күнүттэн икки үлэ күнүн иһигэр суруйа охсуохха наада. Онуоха сайабылыанньаны оскуолаҕа биитэр эксээмэни туттарарга регистрацияны барбыт сиргэ ылаллар. Ону тэҥэ информационнай-коммуникационнай технологиялары туһанан да туттарыахха сөбө этиллэр. Апелляцияны эксээмэҥҥэ кыттыбыт оҕо, кини төрөппүттэрэ эбэтэр дэбиэринэскэ олоҕуран, боломуочуйалаах бэрэстэбиитэллэрэ да туттарыахтарын сөп.
Апелляция хамыыһыйата сайабылыанньаны туттарбыт кэннэ 4 үлэ күнүн иһинэн, сыана төһө эппиэттэһэрин-эппиэттэспэтин быһаарыахтаах.
Сонуннар
Ордук ааҕаллар
