Шаурмичнайдар оннуларын буллараллара чугаһаата

Балаҕан ыйын 1 күнүттэн 381№-дээх федеральнай сокуоҥҥа киирбит көннөрүүлэр күүстэригэр киирдэхтэринэ, балаһыанньа көнүөҕэ. Ол эбэтэр, бары НТО-лар муниципалитет ханна ыйбыт сиригэр бары санитарнай уонна тэхиньиичэскэй ирдэбиллэри тутуһан үлэлииргэ күһэллиэхтэрэ. Оччотугар куорат кинилэри толору хонтуруоллуур бырааптаныаҕа.

Санатар буоллахха, 9 киһини (1983, 1997, 2001, 2008, 2009, 2010, 2011, 2013, 2019 с.т.) сүһүрдүбүт «Донер 14» киоска (Курашов уул.) шаурматын лабораторнай чинчийиитэ Proteus бактерия, кишечнай палочка бактериятын арааһын, сыстыганнаах стафилококку, мезофильнай аэробнай уонна факультативнай-анаэробнай микроорганизмнары, ол эбэтэр хотуобай бородууксуйалара фекальнай састааптааҕын быһаарбыта.