Севастопольскай уулуссаҕа – хапытаалынай өрөмүөн

Киин куоракка «Олох инфраструктурата» национальнай бырайыагы олоххо киллэрии иитинэн Севастопольскай уулуссаҕа (Курнатовскай уул. Өктөөп 50 сыла автострадаҕа диэри кэрчиккэ) хапытаалынай өрөмүөн ыытыллар. Бэдэрээтчит – «Дороги Саха» тэрилтэ.

Өрөмүөннэнэр суол устата – 0,986 км. Бэс ыйын 20 күнүнээҕи туругунан аспаал бастакы араҥата ууруллубут, Кузьмин уулуссатын лотуоктарын кытта ситимнэһэр ардах уута сүүрэр канализацията оҥоһуллар. Суол икки өттүттэн тротуар тэлгэниэҕэ, биир өттө бэлисипиэт ыллыгын кытта холбоһуоҕа.  

«Главстрой» муниципальнай хааһына тэрилтэтэ иһитиннэрбитинэн, гаас ситимин уларытар үлэ ыытыллыбыт. Уу лотуоктара, тротуар оҥоһуллар, 410 миэтэрэ аспаал, бетон бүрүөһүнүн алларааҥҥы дьапталҕата ууруллубут.

Киин куорат баһылыга Евгений Григорьев үлэ хаамыытын бэрэбиэркэлээн баран, өрөмүөн, көҕөрдүү үлэтин хаачыстыбатын хонтуруоллуурга соруйда, ааспыт сылга үлэ барбыт  эбийиэктэригэр мэктиэ быһыытынан итэҕэстэри туоратарга, «дьаама өрөмүөнүн» ыытарга дьаһайда.

Санатан эттэххэ, «Олох инфраструктурата» национальнай бырайыагы олоххо киллэрии чэрчитинэн 2025 сылга киин куоракка уулусса-суол ситимин 11 эбийиэгэ өрөмүөннэниэҕэ. Барыта – 15 км тахса. Эбийиэктэргэ үлэ олохтоммут графигынан ыытыллар.