Сэттэ киһини тиэйэн испит массыына саахалга түбэстэ

Госавтоинспекция үлэһиттэрэ быһаарбыттарынан, 1117-с килэмиэтиргэ 49 саастаах суоппар «Тойота» массыынанан Нерюнгриттэн Дьокуускай диэки айаннаан иһэн, уруулун сатаан туппакка, массыыната суолтан туораан, түҥнэстибит. Массыына иһигэр сэттэ пассажир, ол иһигэр икки оҕо баар эбит. Түөрт олорсон испит киһиэхэ мэдиссиинэ көмөтө наада буолбут, араас эчэйиилээх дьону Мэҥэ Хаҥаластааҕы киин балыыһаҕа илдьибиттэр.

Бэрэбиэркэ кэмигэр биллибитинэн, суоппар дьону уонна таһаҕаһы анал көҥүлэ суох тиэйэн испит. Онон билигин кини саахал иһин эрэ буолбакка, пассажирдары тиэйии быраабылатын кэспитин иһин эппиэккэ тардыллыаҕа.

Полиция үлэһиттэрэ суоппардары массыынаны уруулга толору хонтуруоллуур кыахтаах эрэ түргэнник ыытаргытыгар ыҥыраллар.