Сэргэх киинэ буолсу. Күүтэбит.

Эһиил «Саҥа Боотур» диэн саха бастакы уһулуччу дьоруойдаах киинэтэ тахсаары сылдьар эбит.  Уһула сылдьар түгэннэриттэн каадырдары таһаарбыттар. Суруллубут тылынан эттэххэ, "супергеройдаах" киинэ. Тутаах дьоруой – Сарыал диэн устудьуон. Киниэхэ биир үтүө күн Үөһээ дойду сэрииһитин модун күүһэ киирэр. Аллараа дойду туруорбут киһитин – Арсенныын көрсөн, кинини кыайарга сорунар. Ол күөн көрсүһүүлэрэ “Дыгын оонньууларыгар” буолуоҕа.

Киинэ режиссера – Костас Марсаан. Киинэ дьоруойдарын Эрхаан Попов, Дьулусхан Андросов, Вячеслав Тарскай, Иван Белолюбскай оонньууллар.

Сценарий ааптара Алексей Собакин киинэҕэ Олоҥхо матыыптарын, уобарастарын туһаммыт. Киинэ премьерата 2027 сыл кулун тутарыгар буолуоҕа диэн суоттаналлар. Бу туһунан Якт. ру суруйар.