Сэргэх күрэхтэһиини көтүтүмэ!

Сарсын, доҕоттор, кулун тутар 29 уонна 30 күннэригэр, Сайсары эбэҕэ, туһугар үбүлүөйдээх, 25-с төгүлүн (!) ыытыллар өрөспүүбүлүкэ таһымнаах күрэх ыытыллыа. Быйылгы тэрээһин Улуу Кыайыы 80 сылыгар ананар.
Манна өрөспүүбүлүкэ 17 улууһуттан, Дьокуускайтан муниципальнай түһүмэх түмүгүнэн бастыҥынан быһаарыллыбыт уоллаах аҕа 19 хамаандата күөн көрсөргө ох курдук оҥосто, кустук курдук куоһана сылдьар. 
Ол иһигэр, Дьокуускайга буолан ааспыт “Аҕа күрэҕин” кыайыылаахтара – Александр Лебедев уола, техническэй лиссиэй үөрэнээччитэ, Алтанныын уонна 2-с миэстэни ылбыт Василий Анисимов уола, куорат 12-с нүөмэрдээх оскуолатын үөрэнээччитэ, Арчыланныын кыттыахтара. Бу туһунан өрөспүүбүлүкэтээҕи күрэс тэрийсээччитэ, Дьокуускай куораттааҕы Ыччат управлениета иһитиннэрдэ. 
Күрэх түһүмэхтэртэн турар. Ол курдук, бэрибинэни суоруу, күөһү оргутуу – кутааҕа чэйи өрүү,  мас эрбээһинэ,  баҕанаҕа ыттыы, булчуттар биатлоннара, оттук мас бэлэмэ, ойбон алларыыта киириэхтэрэ. 
Кыайыылаахтарга маннык бириистэр олохтоммуттар:  300 000 солк., 2 м.–150 000 солк., 3 м. – 100 000 солк. бириис туттарыллыа! Тутаах тэрийээччи – СӨ Үлэҕэ уонна социальнай сайдыыга министиэристибэтэ. 
Өйдөөн көрбүккүт эбитэ дуу, куорат бастыҥ, көхтөөх аҕалара уолаттарын сахалыы ааттаабыттар: Алтан уонна Арчылан! Астык буолбаат?!