Сэрэниҥ! Оҕо аһылыгар кутталлаах токсин баар буолуон сөп

Ити NAN 1 и 2 OPTIPRO, NAN Supreme, NAN EXPERPRO, лактозата суох NAN, PreNAN, Nestogen Комфорт уонна Alfare Amino 2025 сыл муус устар 15 күнүттэн сэтинньи 27 күнүгэр диэри оҥоһуллубут бородууксуйаларын туһунан этиллэр.

Бу дьыл тохсунньутугар хааччахтааһын киириэҕиттэн Саха сирин маҕаһыыннарыттан 1500-тан тахса бакыат Nestle бобуллубут бородууксуйата көһүннэ.

Роспотребнадзор Саха сиринээҕи управлениета иһитиннэрэринэн, барыта 500-чэкэ атыы туочукатыгар бэрэбиэркэ ыытыллыбыт. Ол түмүгэр Хаҥалас, Нам, Өлүөхүмэ, Алдан, Нерюнгри оройуоннарыгар, ону таһынан Дьокуускай куоракка бобуллубут оҕо аһылыга атыылана турбута билиннэ. Ону тохтотор дьаһал бэрилиннэ, оттон бородууксуйа поставщиктарга төннөрүллэр.

Бу мааркалар уонна Nestle оҥорон таһаарбыт атын табаардара куттала суохтар, диэн Роспотребнадзор тоһоҕолоон бэлиэтээтэ.   Бэрэбиэркэ салҕанар.

*Цереулид саҥа төрөөбүт оҕолорго ордук кутталлаах токсинынан биллэр. Nestle 2025 сыл ахсынньытыгар кэккэ паартыйаларга цереулид баар буолуон сөп диэн иһитиннэрбитэ. Билиҥҥитэ сүһүрүү тахсыбыт түбэлтэтэ тахса илигэ, ол эрээри эрдэ сэрэтэр ордуга бэлиэтэнэр.