Сэбиэскэй Аармыйа 50 сыла уулусса түөрт балаһалаах буолуоҕа

«Олох инфраструктурата» нацбырайыагынан быйыл Дьокуускай куорат суолларын 85% нуормаҕа хоруйдуур турукка тиийиэхтээх. Чуолаан 2025 сылга 15 км усталаах суол оҥоһуллаары турар.

Ол курдук, бу күннэргэ Ойуунускай уулуссатын хапытаалынай өрөмүөнэ саҕаланна. Сэбиэскэй Аармыйа 50 сыла уулусса өрөмүөнүн оҥорорго куонкурус биллэрилиннэ, диэн куорат баһылыга Евгений Григорьев «Якутия24» тэлэбиидэнньэ ханаалыгар быһа эпииргэ иһитиннэрэн турар.
«Сэбиэскэй Аармыйа 50 сыл уулусса хапытаалынай өрөмүөнэ Кальвица уулуссатыттан Бабушкин уулуссатыгар диэри учаастакка ыытыллыаҕа, итини сэргэ суол 4 балаһаҕа диэри кэҥэтиллиэҕэ», – диэн турар Евгений Григорьев.
Санатар буоллахха, «Олох инфраструктурата» саҥа нацбырайагынан 2025 сылга Дьокуускай куоракка 12 эбийиэк, ол эбэтэр 15 км усталаах уулусса-суол ситимэ оҥоһуллуоҕа. Сүрүн сакаасчыт – «Главстрой» муниципальнай хааһына тэрилтэтэ, диэн иһитиннэрэр Олохтоох дьаһалта пресс-сулууспата.