«Сдай ружье на СВО» аахсыйа сэтинньи ыйынан түмүктэнэр

Куорат баһылыгын махтал суругунан полиция капитана Борис Портнягин, полиция майора Сергей Никитин уонна полиция капитана Виктор Остриков бэлиэтэннилэр.

Санатар буоллахха, «Сдай ружье на СВО» аахсыйа Дьокуускай куоракка сэтинньи ый бүтүөр диэри салҕанар. Баһылык Евгений Григорьев Норуот сомоҕолоһуутун күнүнэн аахсыйаны официальнайдык арыйан, бастакынан саатын туттаран турар.

Аахсыйа Илиҥҥи байыаннай уокуругу уонна Росгвардия Дьокуускай куораттааҕы управлениетын кытта нэһилиэнньэттэн 12 калибрдаах булт саатын уонна онно сөптөөх ботуруоннары хомуйан анал байыаннай дьайыыга ыытарга туһуланар.

Сааларын анал байыаннай дьайыыга туттарыан баҕалаахтары маннык аадырыска күүтэллэр: Дьокуускай к., Дзержинскэй уул., 35/1, үлэ күннэригэр сарсыарда 09:00 чаастан киэһэ 18:00 чааска диэри (пааспар, сааҕа көҥүл ирдэнэр). Көҥүлэ ааспыт докумуоннаахтар административнай эппиэтинэскэ тардыллыбаттарын мэктиэлииллэр. Ол туһунан Олохтоох дьаһалта пресс-сулууспата иһитиннэрэр.