СБЕР бэлэхтээбит тиэхиньикэтин аны Кыайыы пааркатыгар холоон көрдүлэр

Кыайыы пааркатыгар бүгүн хас да маһы олортулар.

Санатар буоллахха, от ыйын саҥатыгар 6 миэтэрэ кэриҥэ үрдүктээх хатыҥы аан бастаан Култуура уонна сынньалаҥ пааркатыгар оччотооҕу мэр Евгений Григорьевы кытта Сбербаан Байкаллааҕы салаатын бэрэссэдээтэлэ Рушан Сахбиев, ону таһынан баан Бурятияҕа, Саха сиригэр, Забайкальскай кыраайга уонна Иркутскай уобаласка бырабылыанньаларын бэрэстэбиитэллэрэ олордубуттара. 

Хаартыска: От ыйын саҥатыгар Култуура уонна сынньалаҥ пааркатыгар олордуллубут хатыҥ бүгүн, атырдьах ыйын 18 күнүгэр

«Optimal-2000» установка бөдөҥ кээмэйдээх маһы силиһин алдьаппакка дириҥник түөрэн ылар буолан, олордуллар үүнээйи 100 % ылсыахтаах. Тиэхиньикэ маны таһынан кыһын кытта 90 см диэри дириҥҥэ киирэр кыамталаах.