Сайылыкка ньирэй көрөөччүлэр наадалар

Биһиги “Баҕарах” ХЭТ эрийэн тугун-ханныгын билистибит.

Ньирэй көрөөччүнэн оҕолору 14 саастарыттан ылыахтарын сөп эбит. Обургу оҕо, уолуттан/кыыһыттан тутулуга суох, холкутук кыанар үлэтэ диэн быһаардылар. Хатастан сылдьан үлэлиир буоллаҕына – оҕоҕо барсар, кыайтарар үлэ. Улахан киһиэхэ эмиэ эр киһититтэн/дьахтарыттан тутулуга суох барсар үлэ. 

Фермаҕа 100-тэн тахса ньирэй баар, олортон 18-һа суосканан аһыыр.

Ньирэй көрөөччү эбээһиэһигэр киирэр:

•  Ньирэйдэри хотуобай кураанах аһынан уонна бороһуок үүтү оҥорон аһатыы.
• Кураанах аһылыгы хоруудаҕа кутан биэрэр, үүт иһэр ньирэйдэргэ суосканан үүт оҥорон эмтэрии – хотонтон далга үүрэн таһаарар-киллэрэр.
• Үүт буочукаларын сууйар.

Торбостору сарсыарда 07:00-09:00 ч. уонна киэһээ 19-00-21-00 ч. диэри аһаталлар.

Уулара носуоһунан хачайданар – биэдэрэнэн уу таһар наадата суох. Итии ууну “титаҥҥа” сылыталлар.

Толору үлэ күнэ, социальнай өйөбүллэр бааллар.

Хамнаһа – 48 000 солк.

Сайылыкка баар дьиэҕэ олордуохтарын сөп, инникитин бастайааннай үлэҕэ киирдэххитинэ, Хатаска дьиэ куортамныырга көмөлөһөллөр.