Сайылык күнэ - кырачааннарга

Ол туһунан иитээччи Татьяна Мессеева маннык билиһиннэрдэ:

- Сайылык сирин саната түптэ буруолаттыбыт. Сайыҥҥылыы итии күн үүнэн, оҕолор үөрүүлэрэ улахан. Ыалдьыппыт бырааттыы Мординовтар түмэллэрин үлэһитэ Сардана Васильева сайылык диэн тугун, өбүгэлэрбит сайылыкка хайдах көһөн тахсалларын уонна туох сыалтан бу күн анал бэлиэ күнүнэн олохтоммутун судургу, боростуой тылынан билиһиннэрдэ. Оҕолор интэриэһиргээн болҕомтолоохтук истэн, сонун билиини ыллылар.

Сардаана Александровна күөрчэх ытыйан, саҥа буспут сылаас алаадьынан  күндүлээн, оҕолор өбүгэбит мааны аһын астына сиэтилэр. Салгыы оһуохай дьиэрэйдэ, өбүгэ оонньууларыгар күрэс тэрилиннэ. Бу бэлиэ күн оҕолорго сахалыы үгэһи, сиэри-туому иҥэринэллэригэр көмө буолла.

Бу курдук саха олоҕор суолталаах күн олус истиҥник ааста. Кырачаан дьон бу күнү инники олохторугар өйдүү-саныы сылдьыахтара.