Сайыҥҥы сынньалаҥ 120 тыһыынчаттан тахса оҕону хабыаҕа

Барыта 500-тэн тахса сынньалаҥ уонна чэбдигирдэр тэрилтэни арыйыахтара, онно 50 тыһыынчаттан тахса оҕону ылыахтара. Өссө 10 тыһыынча оскуола үөрэнээччитэ өрөспүүбүлүкэ тас өттүгэр барыаҕа, оттон 50 тыһыынчаттан тахса оҕо тиэргэн былаһааккаларыгар, сайыҥҥы оскуолаларга уонна да атын кыра ороскуоттаах форматтарга дьарыктаныахтара.

2025 сылга Саха сиригэр 128 тыһыынчаттан тахса оҕо сынньалаҥынан хабыллыбыт. Эрэгийиэн лааҕырдарын сэттэ бырагыраамата Арассыыйаҕа бастыҥынан билиниллибиттэр, өрөспүүбүлүкэ Оҕо сынньалаҥын тэрийиигэ Уһук Илин эрэгийиэҥҥэ 2-с миэстэни ылбыта.

Биһиги ханаалбыт суруйан аһарбытын курдук, сайаапкалары ылыы ыам ыйын 15 күнүгэр «Госуслуги» порталга саҕаланар. СВО кыттыылаахтарын оҕолоро путевкалары уочарата суох ылар бырааптаахтар.

8-800-550-14-21 нүөмэргэ эрийэн сүбэ-ама ылыаххытын сөп.