Сайыҥҥы кэмҥэ эриэйис ахсаана элбиир

Дьокуускай аэропордун телеграмҥа баар ханаала айанныы барааччыларга анаан, эриэйистэргэ сайыҥҥы кэмҥэ киирэр уларыйыылары таһаарбыт. Көрөбүт:

“Аэрофлокка” сыһыаннаах

 От ыйын 8 күнүттэн саҕалаан,  атырдьах ыйын 31күннэригэр диэри кэмҥэ Москубаҕа көтөр эриэйсэ ахсаана эбиллэн, нэдиэлэ устата тоҕуста көтөр буолар. Билигин алта эриэйис баар. Аэрофлот көтөр ааллара өрөбүлтэн ураты күннэргэ күн аайы көтөллөр.

S7 (“Сибирь”) авиахампаанньаҕа сыһыаннаах

Новосибирскайга от ыйын 15 күнүттэн балаҕан ыйын 3 күнүгэр диэри кэмҥэ нэдиэлэҕэ 4 эриэйсэ көтөр буолуоҕа. Бэнидиэнньик, чэппиэр, субуота уонна өрөбүл күннэргэ сылдьар.

Владивостокка бэс ыйын 29 күнүттэн атырдьах ыйын  бүтүөр диэри нэдиэлэҕэ 7 эриэйсэни сырытыннарыа. Субуотаттан ураты нэдиэлэ бары күннэригэр көтөр. Ол оннугар бэнидиэнньиккэ тута икки эриэйис көтүө.

Бэйэбит “Якутия” авиахампаанньабытыгар

Санкт-Петербурга  от ыйын 2 күнүттэн атырдьах ыйын 27 күнүгэр диэри үһүс эриэйси эптэ. Оптуорунньук, чэппиэр уонна бээтинсэ күннэригэр көтөллөр.

Благовещенскайга  бэс ыйын 15 күнүттэн атырдьах ыйын 14 күнүгэр диэри чартернай эриэйис эбиллэр. Оттон бэс ыйын 21 – атырдьах ыйын 30 күннэригэр – көннөрү эриэйистэр.

Улан Үдэҕэ бэс ыйын 6 күнүттэн атырдьах ыйын бүтүөр диэри кэмҥэ хас субуота аайы биирдии эриэйис сылдьар буолбута.