Сарсыҥҥыттан «Звёзднай» түөлбэҕэ 11 №-дээх оптуобус сылдьыаҕа

Санатар буоллахха, «Звезднай» түөлбэҕэ бүгүҥҥү күҥҥэ 900 киһи, ол иһигэр 300 оҕо олорор. Кинилэр куорат 3 №-дээх балыыһатыгар сыһыарыллаллар. Ол эрээри поликлиникаҕа көрдөрө баралларыгар хас да оптуобуһунан айаннаан тиийэргэ күһэллэллэр. Оттон түөлбэҕэ бэйэтигэр медкабинеты арыйар сөптөөх дьиэ суоҕуттан уонна киһитин ахсаана тиийбэтиттэн кыаллыбат. Манна биир эрэ суол баар – оптуобус маршрутун тэрийии. Бу уонна түөлбэ атын кыһалҕаларынан көһө сылдьар мунньаҕы атырдьах ыйын 19 күнүгэр Куорат дууматын урбааҥҥа, промышленнаска, эргиэҥҥэ уонна тырааныспарга сис кэмитиэтэ доруобуйа харыстабылын министиэристибэтин, Олохтоох дьаһалта, быраабы араҥаччылыыр уорганнар, РИА бэрэстэбиитэллэрэ кыттыылаах ыытан турар.