Санавиация Саха сиригэр сыл саҕаланыаҕыттан 1,2 тыһыынча киһиэхэ көмөлөстө
Көтүүлэр үгүстэрэ өрөспүүбүлүкэ оройуоннарыттан ыарыһахтары Дьокуускайдааҕы анал мэдисиинэ тэрилтэлэригэр аҕалыыга туһуламмыттар. Барыллаан ааҕыынан, итинник 535 рейс оҥоһуллубут. Ону таһынан, улуус иһигэр уонна оройуоннар икки ардыларынааҕы санитарнай-эвакуационнай көтүүлэр, ону тэҥэ миэстэтигэр көмөнү оҥорорго исписэлиистэри илдьии-аҕалыы ыытыллыбыт.
Көмө ордук сүрэх-тымыр ыарыылаахтарга наада буолбут — кинилэртэн 585 киһини эвакуациялаабыттар. Ону тэҥэ балыыһаларга ыарахан эчэйиилээх, уокка сиэтиилээх, сүһүрүүлээх уонна оҕо күүтэр дьахталлар киирбиттэр.
СӨ доруобуйа харыстабылын миниистирэ Лена Афанасьева бэлиэтээбитинэн, өрөспүүбүлүкэ территориятын уонна элбэх нэһилиэнньэлээх пууннар ыраах сыталларын учуоттаан, санитарнай авиация суһал көмөтө тыын суолталаах.
Сонуннар
Ордук ааҕаллар
