Санаа быраастан ыйыт

Онон, күндү ааҕааччыларбыт, биир нэдиэлэ устата биһиги телеграм-ханаалбытыгар киирэҥҥит, Санаа бырааска ыйытыыларгытын биэрэргитигэр ыҥырабыт.
                                                                 * * *
Интэриниэт ситиминэн тарҕанар “Санаа быраас” диэн илии баттааһыннаах суруйуулары Сахабыт сирин хайа да муннугар сэҥээрэ ааҕаллар. Санаа быраас үйэ аҥаарыттан ордук баай уопутугар олоҕуран, доруобуйаны чөлүгэр түһэриигэ аналлаах араас сүбэлэри биэрэр. Эбэн эттэххэ, ол сүбэлэринэн 2025 сыллаахха "Күннүкпүн сэгэтэн көрдөххө" диэн кинигэ таһаартарбыт. 

“Киин куорат” Татьяна Михайловна бу суруйууларыгар тохтообокко, биир ыйытыыга хоруйдууругар көрдөстө:

Туохтан, тоҕо Санаа быраас диэн аатын ылыммытын туһунан.
 

Татьяна Михайловна Назарова, СӨ доруобуйатын харыстабылын туйгуна, үлэ бэтэрээнэ:

– Мин өссө оҕо эрдэхпиттэн күннүк сурунарбын сөбүлүүрүм. Күннүк киһи өйүн-санаатын сааһылыырын таһынан, былаан оҥосторго, инникини торумнуурга сүрдээх көмөлөөх.

Ол үгэспинэн, кэлин, дьоммор-сэргэбэр сүбэ-ама курдук суруйаммын, ааппын ыйбакка эрэ бассаабынан ыытар буолбутум. Биир күн эмтэнэ сылдьар киһим этэр: «Суруйарыҥ олус үчүгэй. Бэйэҕэр псевдонимна булун». Дьэ, толкуйга түстэҕим дии. Онуоха ол кыыһым: «Санааларгын сааһылаан да суруйаргынан уонна наар ыарыһахтаргын саныы да сылдьаргынан, “Санаа” диэн ааты ылын”, – диэн сүбэлээтэ. Хата, кырдьык оннук эбит ээ! Саныыр санаам, чахчы, эмтиир-томтуур дьонум тула. Онон «санаа" диэн тылга идэбин эбэммин, Санаа быраас буолбутум.

                                                                          * * *

Бу курдук Татьяна Васильевна үлэлиир кабинетыгар бэрт кылгас билсиһиибит түмүктэнэн, аны доруобуйа тула ааҕааччылар ыйытыыларыгар хоруйдууругар сүбэлэһэн, араҕыстыбыт.

Лоп курдук биир нэдиэлэнэн Санаа быраастыын өссө көрсүөхпүт диэн туран, ыйытыыларгытын МАННА күүтэбит.