Саха уонна бүрээт төрүт үгэстэрин көрдөрөр быыстапка

Манна бүрээт сэрии сэбин оҥорооччу, скульптор уонна ювелир, Забайкалье кыраайын искусстволарын үтүөлээх диэйэтэлэ, Бурятия үтүөлээх худуоһунньуга, Италия сэрии сэбин оҥорооччуларын гильдиятын чилиэнэ Жигжит Баясхаланов уонна Саха сирин муосчута, уус, Арассыыйа Худуоһунньуктарын сойууһун чилиэнэ Роман Петров уран оҥоһуулаах композицияларын көрүөххэ сөп.

Экспозиция Арассыыйаҕа Норуоттар сомоҕолоһууларын, Саха сиригэр Култуура сылларыгар ананар.
Муус устар 17 күнүгэр аһыллыбыт икки тус-туспа, ол эрээри уруулуу норуоттар төрүт үгэстэрин көрдөрөр быыстапка түмэл сүрүн дьиэтигэр бэс ыйын 14 күнүгэр диэри үлэлиэҕэ.