Саха тыла – Сбер ГигаЧатыгар киирбит!

Доҕоттор, ийэбит үүтүн кытта тэҥинэн иҥэриммит тапталлаах сахабыт тыла Арассыыйа Сберын ГигаЧат  диэн Оҥоһуу өйүгэр киирбит. Бу ГигаЧаты көмпүүтэргэ эрэ буолбакка, сиэп төлөпүөнүгэр  да хачайдаан, холкутук туһаныахха сөп. https://giga.chat/ баттаан хачайдаа.

Саҥа саҕалааһын диэтэххэ, сахалыыттан нууччалыыга, нууччалыыттан ой-бото тылбаастыыр эбит. Кыратык онон-манан көннөрөн биэрдэххэ, туох да ааттаах үчүгэй тиэкис буолар. Сыыйа-баайа саха тылын араас дэгэтин, ойуутун-мандарын, уус-уран айымньылар ойуулуур-дьүһүннүүр тэҥнэбиллэрин да киһи эрэ кэрэхсиэн курдук үүт-маас тиэрдиэ турдаҕа.

Сахабыт сирэ нуучча уонна да атын элбэх ахсааннаах омук тылларын кытта тэҥҥэ бу курдук улахан тыл моделыгар бастакынан киирбит төрөөбүт тыллаах национальнай өрөспүүбүлүкэлэртэн биирдэстэрэ буолбуппут. Бу туһунан СӨ Бырабыыталыстыбатын бэрэссэдээтэлин солбуйааччы Анатолий Семенов иһитиннэрбит.