Саха сиринээҕи Бэтэринээр управлениета сүөһүгэ пастереллёһу утары быһыыны туруортарарга ыҥырар
Ааспыт өрөбүллэргэ улуус биир чааһынай хаһаайыстыбатыгар ыарыы тарҕаныыта биллибит уонна суох оҥоһуллубут. Сүөһү турар хотонугар, тэриллэргэ уонна чугастааҕы тиэргэҥҥэ хастыыта да дезинфекция ыытыллыбыт.
Саха сиринээҕи Бэтэринээр управлениета иһитиннэрбитинэн, 2026 сыл кулун тутар 23 күнүн сарсыардатын туругунан, өрөспүүбүлүкэҕэ сүөһү ортотугар ыарыы саҥа түбэлтэтэ бэлиэтэммэтэх.
СӨ сиригэр-уотугар бары наадалаах миэрэлэр, тэрээһиннэр оҥоһуллубуттар. СӨ Тыа хаһаайыстыбатын уонна ас-үөл бэлиитикэтин министиэристибэтигэр суһал көмө киинэ тэрилиннэ.
«Ыарыы саҥа өрө туруута үөскээбэтин туһугар, бэтэринээриийэ сулууспатын исписэлиистэринэн эбэтэр кинилэр сүбэлэринэн кэмигэр ыытыллыбыт быһыы сүөһүнү эрэллээхтик харыстыырын управление санатар», — диэн иһитиннэриигэ этиллэр.
Бэтэринэриийэ управлениета дьиэ кыылларын сүөһүлэрин бас билээччилэри быһыы туругун суһаллык бэрэбиэркэлииллэригэр уонна быһыы ыларга бэтэринэриийэ сулууспатыгар эрийэллэригэр көрдөһөллөр.
Саха сиринээҕи бэтэринээр Управлениетын “Суһал линията”: +7 (4112) 508-766 (суукканы эргиччи).
Хаартыска: Yakutia.Info
Сонуннар
Ордук ааҕаллар
