Саха сирин Судаарыстыбаннаһын күнүн бэлиэтиэхпит

Бырааһынньыктааҕы тэрээһиннэр бастакы бэрэсидьиэммит Михаил Николаев дойдутугар Хаҥаласка уопсастыбаннас улахан мунньаҕынан саҕаланыахтара. Мунньах балаҕан ыйын 26 күнүгэр Николаев-Кииҥҥэ (М.Е.Николаев бибилэтиэкэтигэр – Чапаево сэл., Г. Саввин уул., 3) ыытыллар.  

10:00 – Покровскай куоракка Михаил Николаев пааматынньыгар сибэкки дьөрбөтүн ууруу.

10:00 – РФ уонна СӨ судаарыстыбаннай наҕараадаларын туттарыы (1 №-дээх Бырабыыталыстыба дьиэтэ, Киров уул., 11)

11:00 – «Олоҥхо марафона» маассабай сүүрүү. Өрөспүүбүлүкэ болуоссатыттан Доҕордоһуу болуоссатыгар диэри.

Балаҕан ыйын 27 күнүгэр Дьокуускайга бырааһынньыктааҕы бырагыраама:

10:00 – судаарыстыбаннай уонна политическай деятеллэр пааматынньыктарыгар сибэкки дьөрбөтүн ууруу.

11:00 – Дьокуускайдааҕы Кадет интэринээт-оскуолатыгар андаҕар этиитэ (Марха, Дзержинскэй уул., 17).

15:00 – «Якутия – Республика наших сердец» норуоттар икки ардыларынааҕы бырайыак. (А.Е. Кулаковскай аатынан Норуоттар доҕордоһууларын дьиэтэ).

16:00–18:00 – «Якутия – место силы» эстрада кэнсиэрэ (Култуура уонна сынньалаҥ пааркатын сайыҥҥы сыаната).

18:00 – «Үйэлэри уҥуордаан» испэктээк (П.А.Ойуунускай аатынан Саха академическай тыйаатыра).

«Кубок Триколор» – үҥкүү спордун бэстибээлэ (“Өрөгөй” спорткомплекс).

Бырааһынньыктааҕы тэрээһиннэр балаҕан ыйын 22-25 күннэриттэн саҕаланаллар. Оскуолаларга кылаас чаастара, судаарыстыбаннас уруоктара, викториналар ыытыллыахтара.

Балаҕан ыйын 25 күнүгэр “Ыччат ыраас куорат туһугар” экологическай аахсыйа ыытыллыаҕа.