Саха сирин сэлиэнньэлэригэр 1,6 тыһыынчаттан тахса медик судаарыстыба өйөбүлүн бырагырааматынан үлэлии кэллэ

Бу бырагыраамалар өрөспүүбүлүкэ саамай ыраах сытар да оройуоннарыгар каадыр тиийбэт кыһалҕатын быһаарарга көмөлөстүлэр.

2025 сылга мэдиссиинэ үлэһиттэрин тардыы былаана 100% туолла — өрөспүүбүлүкэ оройуоннарыгар 111 исписэлиис ыытылынна. 2026 сылга өссө 100 мэдиссиинэ үлэһитин тардар сорук турар, бастакы 33 дуогабар номнуо түһэрсилиннэ.

Бырагыраамалар быраастарга уонна биэлсэрдэргэ биир кэмнээх улахан төлөбүрү көрөллөр: 2 мөл. солк. — быраастарга, 1 мөл. солк. — биэлсэрдэргэ, тыа сиригэр уонна куорат тииптээх бөһүөлэктэргэ көһөн тиийбит үлэһиттэргэ. Кыра куораттарга көһөөччүлэргэ: (50 тыһ. диэри нэһилиэнньэлээх) 1 мөл. солк. (быраастарга) уонна 500 тыһ. солк. (биэлсэрдэргэ). Бу үп дьиэ-уот, тырааныспар атыылаһарга уонна саҥа сиргэ олохсуйарга туттуллуон сөп.