Саха сирин оскуолаларыгар 2027 сылтан спорт төрүт көрүҥнэрин үөрэтии киириэҕэ
Баһылай Манчаары аатынан Өрөспүүбүлүкэтээҕи спорт төрүт көрүҥнэрин киинин дириэктэрэ Геннадий Васильев иһитиннэрбитинэн, 2027 сыл балаҕан ыйыттан Саха сирин оскуолаларыгар физкултуура үөрэҕин тиһигэр национальнай спорт көрүҥнэрин киллэриэхтэрэ.
Санатан эттэххэ, 2015 сыллаахха спорт төрүт көрүҥнэрин туһунан өрөспүүбүлүкэ сокуона ылыллыбыта. 2025 с. бу сокуоҥҥа үөрэх тэрилтэлэригэр маннык дьиссипилиинэлэри киллэриигэ сыһыаннаах уларытыы киирбитэ.
2025 сылга СӨ Үөрэҕин министиэристибэтигэр оскуола бырагырааматыгар спорт төрүт көрүҥнэрин элемиэннэрин киллэрэр бырагырааманы оҥорорго хамыыһыйа тэриллибитэ.
Үөрэх-методика сэбиэтэ быраабылалары бигэргэппитин кэннэ, 2027 сыл балаҕан ыйыттан саҕалаан, өрөспүүбүлүкэ бары оскуолаларыгар физкултуура уруогар үһүс чааһынан киириэҕэ.
Сонуннар
Ордук ааҕаллар
