Саха сирин куораттара уонна улуустара ыһыахтыыр күннэрин билсиҥ

СӨ Култуура министиэристибэтэ төрүт бырааһынньыкпыт – ыһыах оройуоннарга уонна куорат уокуруктарыгар ыытыллар күннэрин бигэргэтиллибит кыраапыгын таһаарда.  Улуу Туймаада ыһыаҕа, сэрэйиллибитин курдук, бэс ыйын 27 уонна 28 күннэригэр Үс Хатыҥҥа буолуоҕа.

Ыһыахтар ыһыллар кэмнэрэ килиимэт уонна улуустар олоҕурбут үгэстэрин учуоттаан тыырыллыбыт. Самаан сайыны бастакынан соҕуруу оройуоннар уруйдуу көрсүөхтэрэ, Арктика улуустара – арыый хойутуу. Ыһыах кэмин Олоҥхо ыһыаҕа түмүктүө.

Ол курдук, бэс ыйын 12 күнүгэр, сэрэдэҕэ, Алдан, Нерюнгри оройуоннара ыһыахтыахтара.

Бэс ыйын 19 күнүгэр, чэппиэргэ – Уус Алдан улууһа.

Бэс ыйын 19-20 күннэригэр (чэппиэргэ уонна бээтинсэҕэ) – Бүлүү улууһа.

Бэс ыйын 20 күнүгэр, субуота күн – Абый, Булуҥ, Мэҥэ Хаҥалас, Өймөкөөн Өлүөхүмэ, Орто Халыма, Томпо улуустара.

Бэс ыйын 20-21 күннэригэр (субуота уонна өрөбүл) – Ньурба, Сунтаар, Таатта, Уус Майа, Чурапчы улуустара.

Бэс ыйын 21 күнүгэр, өрөбүлгэ – Аллайыаха, Амма улуустара уонна Анаабыт долган-эбэҥки улууһа, Үөһээ Халыма, Эдьигээн национальнай эбэҥки улууһа, Ленскэй, Мииринэй, Муома, Нам, Аллара Халыма, Усуйаана, Хаҥалас улуустара уонна Эбээн Бытантай национальнай улуус.

Бэс ыйын 24–25 күннэригэр (сэрэдэ, чэппиэр) – Үөһээ Бүлүү оройуона.

Бэс ыйын 25 күнүгэр, чэппиэргэ – Горнай улууһа.

Бэс ыйын 27 күнүгэр (субуотаҕа) – Өлөөн эбэҥки национальнай оройуоҥҥа.

Тутаах суолталаах Олоҥхо ыһыаҕа быйыл от ыйын 4-5 күннэригэр Кэбээйи улууһун Кэбээйи сэлиэнньэтин Уһун Хонуу диэн сиригэр буолуоҕа.