«Саха сирин бриллианнара-2025»

Куонкуруска уопсайа 20 хамаанда кытынна: икки Кытай народнай өрөспүүбүлүкэтиттэн, Монголияттан, Перу, Саха сирин уонна Приморья, Новосибирскай холбоһуктаах хамаандалара, Хабаровскай кыраайтан, Дьокуускайтан – 4 уонна Саха сирин улуустарыттан 8 хамаанда.

«Северное сияние»  муус пааркаҕа «Легенды дикой природы» тиэмэҕэ ыытыллыбыт муус скульптураны оҥорууга куонкурус түмүгэ маннык буолла:

I миэстэни ылан кыайыылаах ааттаннылар «Омун» Саха сирин холбоһуктаах хамаандата (Архип Скрябин (Мэҥэ Хаҥалас), Геннадий Оллонов (Уус Алдан) «Материнский инстинкт» үлэтинэн. Кыайыылаахтар кубогынан уонна 200 тыһ. солк. сэртипикээтинэн наҕараадаланнылар.

«Там, где танцуют стерхи» муус скульптураларынан II миэстэҕэ тахсыбыт «Золотые крылья» Саха сирин холбоһуктаах хамаандата (Валерий Стручков (Мэҥэ Хаҥалас), Василий Васильев (Үөһээ Бүлүү) 150 тыһ. солк. суумалаах сэртипикээти тутта.

Оттон III бириистээх миэстэни «А ля прима» РФ холбоһуктаах хамаандата (Денис Шведюк (Новосибирскай), Козлов Сергей (Находка) «Байанай» оҥоһугунан ылла уонна 100 тыһ. солк. сэртипикээтинэн наҕараадаланна.

Хаар скульптура күрэҕин быйылгы тиэмэтэ – «Арктика фауната». Манна миэстэлэри  үллэһиннилэр:

I м – «Лед и пламя», Санкт Петербург хамаандата (Александр Поляков, Иван Федив) «На гребне волны» уран оҥоһуктарынан. Наҕараадалара: 100 тыһ. солк. сэртипикээт; 

II м – «Монгол» Монголия хамаандата (Джанарбек Тихкат, Балджинайам Ганбат), «Любовь на Земле» үлэтинэн. Наҕараадалара: 80 тыһ. солк. суумалаах сэртипикээт;

III м – КНР «Харбин» хамаандата (Цзян Сяобинь, Ши Лэй) «Партнеры» үлэтинэн. Наҕараадалара: 70 тыһ. солк.

Сэтинньи 24 күнүгэр Орджоникидзе болуоссатыгар ыытыллыбыт муус оҥоһуктарга блиц-турнир кыайыылаахтарынан Дьокуускай «Хатас» хамаандата (Максим Охлопков, Айсен Габышев) «Ый кыыһа» скульптуратынан буолан, Кубогынан уонна 100 тыһ. солк. сэртипикээтинэн наҕараадаланна.

Дьокуускай «ХотАй» хамаандата (Николай, Константин Колодезниковтар) «Тоҕо тураах хараный?» композицияларынан II миэмтэни ылан, 80 тыһ. солк. сэртипикээти тутта.

Оттон III бочуоттаах миэстэни Ньурба улууһуттан сылдьар «Өҥөлдьө» хамаанда бэрэстэбиитэллэрэ Герасим, Дмитрий Максимовтар «Царевна-лебедь» үлэлэринэн ыллылар уонна 70 тыһ. суумалаах сэртипикээти үөрүүлээх быһыыга туттулар.