Саха сирин 11 устудьуона – бастыҥнар кэккэлэригэр

Ахсынньы 13-16 күннэригэр Москваҕа буолар «Студент года-2025» национальнай бириэмийэ финалистара билиннилэр. Ол курдук, дойду талааннаах ыччатын түмэр күрэх түмүктүүр түһүмэҕэр Саха сириттэн – Дьокуускай, Жатай, Нам, Бүлүү колледжтарыттан уонна техникумнарыттан 11 устудьуон кыттар чиэскэ тигистэ.

Тэрээһин Бүтүн Арассыыйатааҕы «Твой ход» устудьуоннар форумнарын иитинэн ыытыллыаҕа. Быйылгы куонкуруска 850 устудьуон  ыҥырылынна.

Биирдиилээн анал ааттарга кыттыахтара:

• «Председатель совета обучающихся года» — И.И. Фадеев аатынан Үп-экономика колледжын устудьуона Леон-Талыман Иванов;

• «Профессионал года» — Н.Г. Чернышевскай аатынан Бүлүүтээҕи педколледж устудьуона Нарыйаана Яковлева;

• «Медиа года» — С.Ф. Гоголев аатынан Дьокуускайдааҕы педколледж устудьуона Марианна Шадрина;

• «Общественник года» — И.Е. Винокуров аатынан Намнааҕы педколледж устудьуона Мария Ядрихинская;

• «Творческая личность года» — И.Е. Винокуров аатынан Намнааҕы педколледж устудьуона Ксения Винокурова;

• «Спортсмен года» — И.Е. Винокуров  аатынан Намнааҕы педколледж устудьуона  Ярослав Габышев;

• «Староста года» — И.Е. Винокуров  аатынан Намнааҕы педколледж устудьуона Валерия Федотова;

• «Патриот года» — И.Е. Винокуров  аатынан Намнааҕы педколледж устудьуона  Саарын Захаров.

Кэлэктииптэр ортолоругар бастыҥнар кэккэлэригэр киирсиэҕэ:

• «Творческий клуб года» — Жатайдааҕы техникум «Сундучок идей» айар мастарыскыайа.

Санатан эттэххэ, былырыыҥҥы бириэмийэ финала Киров куоракка буолан ааспыта. Куонкурус түмүгүнэн И.Е. Винокуров  аатынан Намнааҕы педколледж устудьуоннара икки анал аат кыайыылаахтарынан буолбуттара: «Эҥсиэли» устудьуоннар спорт кулууптара – «Спортивный клуб года», оттон «Дьулус» патриотическай кулууп «Патриотическое объединение года».

Хаартыска: sakha.gov.ru порталтан