Саха сиригэр “ЗдравКонтроль” медицинскэй чаттар үлэлээтилэр

Бу официальнай чаттартан өрөспүүбүлүкэ олохтоохторо быһаччы көмөнү көрдөһүөхтэрин уонна түргэн эппиэти ылыахтарын сөп. 2026 сыл кулун тутар ыйтан Саха сирин олохтоохторо медицинскэй тэрилтэлэри кытта бу быһа сибээс ханаалынан национальнай MAX мессенджер нөҥүө туһаныахтарын сөп.

Хаһан сибээстэһиэххэ сөбүй?

• бэнидиэнньиктэн субуотаҕа диэри;

• 08:00 чаастан киэһэ 20:00 чааска диэри.

Ханнык боппуруоска көмөлөһөллөрүй?

• бырааска суруйтарыыга ыарахаттары көрсүү;

• медицинскэй көмөҕө кэтэһии бириэмэтин кэһии;

• бырааһы дьиэҕэ ыҥырыы;

• чэпчэтиилээх эмтэри ылыы;

• төлөбүрдээх өҥөнү оҥоро сатааһын;

• этиканы уонна деонтологияны кэһии;

• ыарыһах маршрутизацията суоҕа уо.д.а.

Медицинскэй чаттарга эмтэниигэ сүбэ-ама ылыытын уонна эмп анааһынын, аптекаҕа эмп баарын-суоҕун, суһал медицинскэй көмө сулууспаларын, балыыһаҕа суһаллык киириини эбэтэр диагноз туруоруу туһунан сүбэни биэрбэттэр.