Саха сиригэр саҥа бырааһынньык баар буолла

Орто Халымаҕа историяҕа киирэр түгэн буолла. Халыма үс оройуонун баһылыктара – Үөһээ Халыма, Орто Халыма уонна Аллараа Халыма – Халыма өрүс күнүн олохтуур сөбүлэһиигэ илии баттаатылар. Анал бырааһынньык от ыйын 15 күнүгэр буолуоҕа.

Көҕүлээһини кулун тутар 15 күнүгэр бырабыыталыстыба вице-премьерэ Дмитрий Садовниковтыын көрсүһүү кэмигэр бигэргэттилэр. Күнүн талыы мээнэҕэ буолбата: 1643 сыллаахха от ыйын 15 күнүгэр (саҥа истиилинэн) бастакынан кэлбит хаһаактар ​​ ыраахтааҕы Михаил Федоровичка улуу өрүһү булбуттарын туһунан биллэрэр сурук (челобитнай) ыыппыттара. Онтон ыла бу күн олохтоохтор өйдөрүгэр-санааларыгар хаалан, уус-уран литератураҕа кытта ахтыллар.

Саҥа бырааһынньык Халыма улууһун олохтоохторун түмэр уонна Хотугулуу-Илиҥҥи Арассыыйа биир сүрүн өрүһүн ураты айылҕатыгар, историятыгар болҕомтону тардар соруктаах тэрилиннэ.