Саха сиригэр сүрүн БКЭ түһүмэҕэ бэс ыйын 1 күнүттэн от ыйын 9 күнүгэр диэри ыытыллыаҕа

Бэс ыйын 1 күнүгэр – историяны, литератураны уонна химияны, бэс ыйын 4 күнүгэр – нуучча тылын, бэс ыйын 8 күнүгэр математика базовай уонна профильнай таһымын туттарыахтара, бэс ыйын 11 күнүгэр – обществознание уонна физика, бэс ыйын 15 – биология, география уонна омук тыллара (суругунан чааһа), бэс ыйын 18-19 – омук тылын тылынан чааһа уонна информатика.

Бэс ыйын 22-тэн 25-гэр диэри резервнэй күннэр көрүллүбүттэр. От ыйын 8 уонна 9 күннэригэр выпускниктар үрдүк үөрэххэ докумуоннарын биэриэхтэрин иннинэ талбыт предметтэрин туттарыахтарын сөп. Эрдэтээҥҥи болдьох кулун тутар 20 күнүттэн муус устар 20 күнүгэр диэри, эбии болдьох балаҕан ыйын 4 күнүттэн 25 күнүгэр диэри ыытыллыа.

Ону кытта 9 кылааһы бүтэрээччилэргэ Базовай судаарыстыбаннай экзамен графига бигэргэтиллибит. ОГЭ үс кэмҥэ арахсар: болдьоҕун иннинэ – муус устар 21 күнүттэн ыам ыйын 18 күнүгэр диэри, сүрүн – бэс ыйын 2 күнүттэн от ыйын 6 күнүгэр диэри, эбии – балаҕан ыйын 3 күнүттэн 25 күнүгэр диэри.

Сүрүн ОГЭ кэмин чэрчитинэн, математика эксээмэнэ – бэс ыйын 2 күнүгэр, информатика уонна омук тыллара – бэс ыйын 6 күнүгэр, нуучча тыла бэс ыйын 9 күнүгэр ыытыллыахтара. Бары талыллыбыт предметтэр, ирдэнэр предметтэртэн ураты, бэс ыйын 5, 16 уонна 19 күннэригэр былааннаммыттар. Сүрүн күннэргэ тургутугу ааспатахтарга резервнэй күннэр анаммыттар: бэс ыйын 29 күнэ – математикаҕа, от ыйын 2 күнэ – нуучча тылыгар, 3 уонна 6 күннэрэ – талан ылбыт предметтэригэр.