Саха сиригэр үс муммут киһини көрдүүллэр

Ньурба улууһугар Акана олохтооҕун көрдүүллэр. 1978 сыллааҕы төрүөх эр киһи Чкалов сэлиэнньэтиттэн от ыйын 26 күнүгэр тахсыбыт уонна мунан хаалбыт. Кини тыраахтарын тахсыбыт сириттэн 1,5 км ыраах Бөрө Бааһыната диэн сиргэ булбуттар. Эр киһи тиэхиньикэтин таһыгар көстүбэтэх. Көрдөөһүҥҥэ Ньбурба уонна Үөһээ Бүлүү быһааччылара, ИДьМ сотрудниктара, олохтоох нэһилиэнньэ көхтөөхтүк кытталлар. Киһилэрин бцла иликтэр.

Атырдьах ыйын 12 күнүгэр Хаҥалас улууһун Еланкатыгар отоннуу сылдьан 1960 сыллааҕы төрүөх дьахтар сүппүт. Күнүс суотабайынан сибээскэ тахса сылдьыбыт, онтон төлөпүөнэ арахсыбыт. Олохтоох нэһилиэнньэҕэ көмөҕө идэтийбит быыһааччылар тиийбиттэр. Көрдөөһүҥҥэ “Соболь” массыынаны, квдроцикллары, тепловизордаах беспилотниктары туһаналлар.

Томпо улууһугар 74 саастаах эр киһини көрдүүллэр. Атырдьах ыйын 13 күнүгэр кини тэллэйдии диэн Хаандыгаттан 20 км ыраах тыаҕа тахсыбыт. Эр киһи сүрэҕинэн ыарытыйара биллэр. Көрдөөһүҥҥэ ИДьМ сотрудниктара, Томпо РЭС үлэһиттэрэ көмөлөһөллөр. Тааттаттан биэс идэтийбит быыһааччы айаннаабыт.

***

Бу иннинэ Нерюнгри оройуонун Беркакитыгар икки күн муна сылдьыбыт 76 саастаах дьахтары буллулар. Кини атырдьах ыйын 14 күнүгэр сүппүт, атырдьах ыйын 15 күнүгэр быыһааччыларга иһитиннэрии киирбит, атырдьах ыйын 16 күнүгэр Беркакит бөһүөлэгэр гараастар кэннилэриттэн көстүбүт. Тымныйыылаах буолан Нерюнгри балыыһатыгар киллэриллибит.