Саха сиригэр ойуур баһаардарын хонтуруоллуурга 13 салгын суудуната үлэлиир

Экология миниистирин солбуйааччы Андрей Коноплев иһитиннэрбитинэн, өрөспүүбүлүкэ үрдүнэн 564 гектар иэннээх 7 ойуур баһаара баара биллэр. Икки баһаары бохсорбуттар. Ыраах, тиийбэт уонна хайалаах сирдэргэ баар буолан, КЧС быһаарыытынан 3 ойуур баһаарын умулларыыны тохтоппуттар. Ойуур баһаарын умулларыы 100% түргэтээбит.

Сезон саҕаланыаҕыттан 67 ойуур баһаара (3,2 тыһ. гектар) уонна 45 ландшафтнай баһаар (1,2 тыһ. гектар) бэлиэтэммит. Бу былырыыҥҥытааҕар быдан аҕыйах. Былырыын баччаларга 134 ойуур баһаара (48,8 тыһ. гектар) уонна 184 ландшафтнай баһаар баара биллэр. Түөрт оройуоҥҥа баһаартан ураты сэрэхтээх буолуу эрэсиимэ үлэлиир. Быраабыланы кэһии иһин ыстарааптар мөлүйүөнү аһарбыттар.

Ойуур баһаара тахсар түгэнигэр маннык нүөмэрдэргэ эрийиҥ: 44-74-76 эбэтэр 8-800-100-94-00.