Саха сиригэр мобильнай дрон-станциялар тиһиктэрин оҥоруохтара.

Ол быһыытынан, билигин Арктикаҕа туттуллар PASECA роботизированнай мобильнай дрон-станцияны үлэлэтэн көрө, тургута сылдьаллар. Бу үлэни "Саха" технопаарка резиденэ "Форпост" хампаанньа уонна пилота суох авиация тиһигин кыттааччыта "Полярнай" научнай-производственнай киин ыыталлар.

Саҥа станция пилота суох көтөр аппараат араас көрүҥнэрэ уонна олору оҥорон таһаарааччылар  базаланалларыгар, олору иитэргэ, салайарга уонна техническэй хааччыйарга туттуллуоҕа. Кэрэхсэбиллээҕэ, онуоха эпэрээтэр баар-суох буоларыттан тутулуга суох дроннар бэйэлэри толору киэбинэн (автономнайдык) үлэлииллэрин хааччыйыа.

Кэнэҕэһин бу баларга олоҕуран өрөспүүбүлүкэ уустук, куһаҕан суоллаах-иистээх оройуоннарыгар дрон-станциялар тиһиктэрин оҥоруохтара, дааннайдары хомуйарга уонна наука-быраактыка чинчийиилэрин ыытарга туһаныахтара. Бу сонун технологияны сири-уоту, инфраструктура эбийиэктэрин чинчийиигэ, экология туругун кэтээн көрүүгэ, көрдүүр-быыһыыр үлэҕэ, халаан кэмигэр туһанарга олус табыгастаах буолуоҕа.

Санатан эттэххэ, Саха сирэ “Пилота суох авиация тиһиктэрэ” федеральнай национальнай бырайыакка 2024 сылтан үлэлэһэр.