Саха сиригэр дьиэ тутуута 7% улааппыт

Ол курдук, былырыын дьиэ тутуутун кээмэйэ 7% улааппыт. «Ааспыт 12 сыл устата 7,3 мөлүйүөн кв.м. тахса иэннээх олорор дьиэ тутулунна. Сыллата тутууну үлэҕэ киллэрии кээмэйэ улаатарын бэлиэтиибит. 2025 сылга 809 тыһ. кв.м. дьиэ киирбитэ. Ити – 2024 сыллааҕы 752 тыһ. кв.м. көрдөрүүттэн 7%-нан үрдүк»,  диэн миниистир эттэ.

Онуоха нэһилиэнньэ Уһук Илин уонна Арктика ипотекаларыгар олохтоммут курдук чэпчэтиилээх кирэдьииттэри көхтөөхтүк туһанара олук буолбут. «2025 сылга 32 млрд солкуобай суумалаах 5-тэн тахса тыһыынча кирэдьиит бэрилиннэ. Дьиэни тутуу элбээһинэ тутааччыларга бырайыак үбүлэниитэ баар буолуутун уонна гражданнары хаарбах дьиэттэн көһөрүү өрөспүүбүлүкэтээҕи тус аадырыстаах бырагырааматын түмүктүүр түһүмэҕин кытта сибээстээх», — диэн, Виктор Романов эбэн эттэ.

2025 сылга  Мэҥэ Хаҥалас – 33 тыһ. кв.м., Ленскэй – 31 тыһ. кв.м., Алдан – 24 тыһ. кв.м. иэннээх саҥа дьиэни үлэҕэ киллэрэн, үчүгэй көрдөрүүлээхтэрин бэлиэтээтэ.