Саха сиригэр БКЭ саҕаланна: бастакы эксээмэннэр аастылар

Эксээмэннэр 142 эксээмэн пуунугар (ППЭ) ыытылыннылар. Бу судаарыстыбаннай түмүктүүр аттестация сүрүн кэмин официальнай саҕалааһына от ыйын 9 күнүгэр диэри салҕаныаҕа.

Кыттааччылар талбыт предметтэрин хаттаан туттарыахтарын сөп. Ол түгэнигэр бастакы холонуу түмүгэ көтүрүллэр, оттон иккис түмүк учуоттанар. Эбэн эттэххэ, бүгүн, бэс ыйын 2 күнүгэр, 9-с кылаастар математикаҕа бастакы ОГЭ-ни туттараллар.

Талар предметтэр ортолоругар инники күөҥҥэ сылдьаллар: обществознание (40,7%), информатика (22,4%), физика (20,6%) уонна биология (20,2%). Салгыы бараллар: химия (15,4%), история (13,6%), английскай тыл (12,6%), литература (6,2%) уонна география (4,1%). Ааспыт сылы кытта тэҥнээтэххэ, физикаҕа туттарааччы ахсаана — 24,8%-нан, химияҕа — 11%-нан, профильнай математикаҕа — 10,4%-нан, биологияҕа — 7,3%-нан, информатикаҕа 6,1%-нан элбээбит.

Салгыы, бэс ыйын 4 күнүгэр — нуучча тыла, 8 чыыһылатыгар — математика, 11-кэ — обществознание уонна физика, 15-кэ — биология, география уонна суругунан омук тыла, 18–19 чыыһылаларыгар — тылынан омук тыла уонна информатика. Саппаас күннэр — бэс ыйын 22–25 күннэрэ. Талбыт биир предмети хаттаан туттарыы — от ыйын 8 уонна 9 күннэригэр.