Саха сиригэр бастакытын тобук сүһүөҕэр уустук эпэрээссийэни оҥордулар

Ааспыт нэдиэлэҕэ, сэтинньи 6 күнүгэр, Горнайдааҕы киин балыыһа базатыгар Саха сирин доруобуйатын харыстабылын историятыгар аан бастакытын  тобук сүһүөҕүн эндопротезтааһын уустук эпэрээссииэтэ ыытылынна. 

Эпэрээссийэни травматологтар Степан Павлов уонна Потап Потапов оҥордулар. Бу туһунан РБ2 «Суһал медицинскэй көмөҕө киинин» пресс-сулууспата иһитиннэрдэ.

Мобильнай биригээдэ Горнай улууһугар алтынньы 31 күнүттэн сэтинньи 12 күнүгэр диэри үлэлээтэ.
Санатар буоллахха,  мобильнай хирургическай киин быраастара бу дьыл тохсунньутуттан саҕалаан  2000 кэриҥэ ыарыһаҕы көрөн, 700-тэн тахса ыарыһаҕы эпэрээссийэлээтилэр. Ол иһигэр 32 эпэрээссийэ оройуон киин балыыһаларыгар практическай көмө чэрчитинэн ыытыллыбыт.

«Мобильнай хирургия киинэ» инновационнай бырайыак аан бастаан 2024 сыл тохсунньутуттан үлэлээн саҕалаабыта. Ол кэмтэн ыла оройуоннааҕы балыыһалар базаларыгар уопсайа 1358 эпэрээссийэ ыытыллыбыт, 4718 ыарыһах көрдөрбүт.