Саха сиригэр бастакытын тобук сүһүөҕэр уустук эпэрээссийэ оҥоһулунна

Бүгүн, сэтинньи 6 күнүгэр, Горнайдааҕы киин балыыһа базатыгар Саха сирин доруобуйатын харыстабылын историятыгар аан бастакытын  тобук сүһүөҕүн эндопротезтааһын уустук операцията ыытылынна. 

Эпэрээссийэни травматологтар Степан Павлов уонна Потап Потапов оҥордулар. Бу күннэргэ
Горнай оройуонугар тобук сүһүөҕүн эндопротезтааһыҥҥа  өссө биир эпэрээссийэни былаанныыллар. Бу туһунан РБ2 «Суһал медицинскэй көмөҕө киинин» пресс-сулууспата иһитиннэрэр.
Мобильнай биригээдэ Горнай улууһугар алтынньы 31 күнүттэн үлэлээн саҕалаабыта,   сэтинньи 12 күнүгэр диэри үлэлиир былааннаах.

Бүгүҥҥү туругунан үөс тааһырыытыгар, флебэктомияҕа, геморройидэктомияҕа 50-чаҕа тиийэ уонна краниопластикаҕа 1 эпэрээссийэни оҥорбуттар. Бүгүҥҥүттэн  оториноларингологтар уонна гинекологтар эпэрээссийэлээн саҕалаатылар.

Санатар буоллахха,  мобильнай хирурическай киин быраастара
бу дьыл тохсунньутуттан саҕалаан  2000 тыһыынча кэриҥэ ыарыһаҕы көрөн, 700-тэн тахса ыарыһаҕы эпэрээссийэлээтилэр. Ол иһигэр 32 эпэрээссийэ оройуон киин балыыһаларыгар практическай көмө чэрчитинэн ыытыллыбыт.
«Мобильнай хирургия киинэ» инновационнай бырайыак аан бастаан 2024 сыл тохсунньутуттан үлэлээн саҕалаабыта. Ол кэмтэн ыла оройуоннааҕы балыыһалар базаларыгар уопсайа 1358 эпэрээссийэ ыытыллыбыт, 4718 ыарыһах көрдөрбүт.

Хаартыскаҕа:  2-с №дээх РБ суһал медицинскэй көмөҕө киинин травмотологтара Потап Потапов уонна
Степан Павлов. 
РБ2 ЦЭМП пресс-сулууспатын иһитиннэриитэ