Саха сиригэр 2030 сылга диэри көхтөөх уһун үйэлэнии бырагырааматын сайыннараллар
Саха сиригэр «Саха Өрөспүүбүлүкэтигэр 2025–2030 сс. көхтөөх уһун үйэлэнии» бырагыраама үлэлиир. Бу бырагыраама аҕам саастаах дьон олохторун хаачыстыбатын тупсарыыга уонна 2030 сылга олох олоруу болдьоҕун 78 сааска, оттон 2036 сылга 81 сааска тиэрдиигэ туһуланар.
Бырагыраама биэс сүрүн хайысханан 62 тэрээһини хабар. Ол иһигэр социальнай инфраструктураны сайыннарыы уонна аҕа көлүөнэ бэрэстэбиитэллэригэр табыгастаах усулуобуйаны тэрийии киирэллэр. Эрэгийиэн аҕам саастаах дьон көхтөөх уонна наадалаах буолууларын өйүүр систиэмэни оҥорор.
Биир үтүө холобурунан Мэҥэ Хаҥалас улууһун Матта сэлиэнньэтигэр арыллыбыт саҥа социальнай-гериатрическай киин буолар. Тэрилтэ аныгы ирдэбилгэ эппиэттиир харгыһа суох эйгэни уонна дьиэ-уот истиҥ тыынын киллэриигэ туһуланан тутуллубута.
СӨ Үлэҕэ уонна социальнай сайдыыга миниистирэ Елена Волкова этэринэн, өрөспүүбүлүкэҕэ уһун кэмнээх көрүү-истии систиэмэтэ сайдар, ол иһигэр дьиэҕэ көмөлөһүү, «сынньана түһүү» технологиятын киллэрии уонна көрүүгэ-истиигэ наадыйар соҕотох хаалбыт гражданнарга өйөбүл оҥоруу бааллар.
Сонуннар
Ордук ааҕаллар
