Саха сиригэр 165 тыһ. аҕам саастаах олорор

Араас хабааннаах тэрээһиннэр Дьокуускайга эрэ буолбакка, улуустарга барыларыгар тэриллэллэр. Ол курдук, медицинскэй чинчийиилэр, маастар-кылаастар, быыстапкалар, кэнсиэртэр, көмө аахсыйалар, о.д.а.

Саха сиригэр 2025-2030 сылларга торумнаммыт “Көхтөөх уһун үйэлэнии” бырагыраамата РФ бэрэсидьиэнэ көҕүлээбит “Дьиэ кэргэн” уонна “Көхтөөх уонна уһун олохтонуу” национальнай  бырагыраамаларга тирэҕирэн үлэлиир.

Саха сирин үрдүнэн билигин 165 тыһ. тахса 60 сааһын ааспыт киһи олорор. 1332 киһи 90 сааһын аһарбыт, олортон 20-тэ 100 сааһын атыллаабыт.

100 сааастарын туолбут дьоҥҥо 1 мөл. солк. харчы, “Үйэ саас” ытык бэлиэ туттарыллар.