Саха сирэ 2026 сылга ардай аһыылаахтары утары охсуһууга үбүлээһини биэс төгүл улаатыннарар
Өрөспүүбүлүкэ Ил Түмэнин пресс-сулууспата иһитиннэрэринэн, 2026 сыллааҕы бүддьүөккэ бөрө тириитин атыылаһыыга 13 мөлүйүөн солкуобай көрүллүбүт, бу ааспыт сылга тэҥнээтэххэ биэс төгүл кэриҥэ үрдүк.
СӨ Экологияҕа министиэристибэтин иһитиннэриитинэн, систиэмэлээх үлэ хайыы үйэ түмүгү биэрдэ: ааспыт 10 сылга бөрө ахсаана 12 тыһыынчаттан 8 тыһыынчаҕа диэри аҕыйаабыт. Ол эрээри тыа хаһаайыстыбатыгар хоромньу син биир улахан. Былырыын эрэ адьырҕа харамайдар 2, 5 тыһыынча дьиэ табатын, ону тэҥэ уонунан сылгыны уонна сүөһүнү суох оҥорбуттар. Саамай уустук балаһыанньа хайалаах, тайҕалаах улуустарга сытар.
Бөрөлөрү таһынан, ураты хонтуруол хагдаҥ эһэлэр үөскүүллэригэр турар (20 000 кэриҥэ). Былырыын дьоҥҥо-сэргэҕэ куттал тахсыбатын инниттэн, 657 эһэни бултуур туһунан быһаарыы ылыллыбыта, онтон булчуттарынан 190-на ытыллыбыта. Ону кытта өрөспүүбүлүкэбитигэр хонтуруол күүһүрэр: тыһыынча бэрэбиэркэ кэмигэр иниспиэктэрдэр булт быраабылатын кэһии 2000-тан тахса түбэлтэтин быһаардылар.
Сонуннар
Ордук ааҕаллар
