Саха гимназиятыгар төрөппүт УАЗ массыына бэлэхтээтэ
Үөрэх дьылын саҕаланыыта меценат төрөппүт Василий Филатов саҥа УАЗ массыынаны бэлэхтээн гимназия үөрэнээччилэрин, кэллэктиибин үрдүк дьоллоото.
Гимназияҕа бэлиэтээн эппиттэринэн, биһиги усулуобуйатыгар , суолбутугар-ииспитигэр олус табыгастаах УАЗик тиэхиньикэ «Төрөөбүт дойду устун», «Булчут үүтээнэ», «Муҥха», муус ылыыта, «Куйуур», «Подледка», «Аҕа уонна уол күрэҕэ», оскуола ыһыаҕа, «Эрчимэн Бэргэн» диэн үгэскэ кубулуйбут бырайыактарын олоххо киллэрэн иһэллэригэр, сыллата ыыталларыгар улахан көмө буолуоҕа.
Массыына күлүүһүн туттарыы сиэрин-туомун үөрүүлээх быһыыга-майгыга «Аҕа уонна уол» стела иннигэр ыыттылар. Бэлиэтээн эттэххэ, Саха гимназиятыгар оскуола олоҕор күүстээх үлэни ыытар "Аҕа түмсүүтэ", "Ситим" эбэлэр уонна эһэлэр түмсүүлэрэ үлэлииллэр.
Сонуннар
Ордук ааҕаллар
