Сабантуйга ыҥыраллар
Быйылгы Сабантуй Дьокуускай куоракка оҕолоох дьиэ кэргэттэргэ ананар. Киириитэ босхо. Тэрийээччилэр көрдөөх-нардаах уонна истиҥ эйгэни эрэннэрэллэр. Күрэхтэһии кыайыылаахтарыгар сыаналаах бириистэри уонна бэлэхтэри, оҕолорго минньигэстэри уонна оонньуурдары бэлэмнээбиттэр.
Бэлиэтээн эттэххэ, былырыын Саха сиригэр ХХV Федеральнай Сабантуй Дьокуускай куоракка бэс ыйын 11-14 күннэригэр бастакытын ыытыллыбыта. Бырааһынньык чэрчитинэн муҥутуур чөмпүйүөн – күрэхтэhии кыайыылааҕа массыынанан наҕараадаламмыта, оттон мас тардыһыы кыайыылааҕа “Рысь” вездеходу ылбыта.
Сабантуй – былыр-былыргыттан түүр норуоттарын бырааһынньыктара, Арассыыйа эрэгийиэннэригэр уонна кини тас өттүгэр 90-с сыллартан киэҥник бэлиэтэнэр. Бырааһынньык чопчу биир күҥҥэ анаммат: урут күнүн-дьылын аҕам саастаахтар быhаараллара.
Сонуннар
Ордук ааҕаллар
