Сааны сэрэхтээхтик туттуҥ!

Сахабыт сиригэр сааны кытта ситимнээх быһылааннар тахсыталаабыттарынан, СӨ Экологияҕа министиэристибэтэ сүрүн быраабылалары санатар:

- Сааны хаһан баҕарар иитиилээх сэп курдук саныахтааххыт;

- Дьону, кыыллары мээнэ саанан тирээмэҥ, дьон олорор сирин туһаайыытынан кыҥаамаҥ;

- Халлаан сырдыгар, ытар сыалгытын чуолкай көрөр буоллаххытына эрэ чыыбыскытын тардыҥ;

- Ойуурга, тыаҕа тахсаргытыгар киһи хараҕар быраҕыллар, чаҕылхай таҥас кэтиҥ;

- Дьону кытта көрсөргүтүгэр, тырааныспарга олороргутугар сааҕыт иитиллибэтэх буоларын хааччыйыҥ;

- Сааны ханна да көрүүтэ-истиитэ суох хаалларымаҥ, туора дьоҥҥо уларсымаҥ, итирик туруктаах сааланымаҥ.

Бултуу бараргытыгар охотбилиэккитин, сааҕыт көҥүлүн, бултуур көҥүлгүтүн наар илдьэ сылдьыҥ – бултуургутугар сыһыарыллыбыт эрэ сирдэргитигэр тахсыҥ.

Бэйэҕитин уонна чугас дьоҥҥутун харыстааҥ, булт кэмигэр сэрэхтээх буолуу – хас биирдии булчут эппиэтинэһигэр.