Саҥа уопсастыбаннай туоналарга куоластыаҕыҥ!

Муус устар 21 күнүттэн бэс ыйын 12 күнүгэр диэри 14 сааһын туолбут Саха сирин хас биирдии олохтооҕо уопсастыбаннай туонаны тупсарыы бырайыагын талыан сөп – пааркалар, кытыллар, искибиэрдэр уонна сынньалаҥ зоналара.

Быйыл Дьокуускайга тоҕус бырайыактан биири талыахха наада.

1. Киин уокурукка Доруобуйа харыстабылын үлэһиттэрин искибиэрэ

2. 203-с түөлбэҕэ «Собачье счастье» уопсастыбаннай туона

3. Хабаров уулуссатыгар 1941-43 сылларга Ржев куорат анныгар олохторун толук уурбут буойуннарга аналлаах уопсастыбаннай туона

4. ДСК түөлбэҕэ Сэргэлээх күөлүн кытыла, 1-кы түһүмэх

5. Сайсары уокуругар Алмаасчыттар искибиэрдэрэ

6. Щорс күөлүн кытыла, 1-кы түһүмэх

7. Гагарин уокуругар «Ытык-сир» паарка, 2-с түһүмэх

8. Губин уокуругар Речниктэр искибиэрдэрэ

9. 203-с түөлбэ кытыла

Национальнай бырайыак олоххо киирэр сылларын тухары өрөспүүбүлүкэҕэ 147 уопсастыбаннай туона тэрилиннэ, ол иһигэр Дьокуускайга Сайсары күөл кытыла, Ийэ искибиэрэ, Роман Дмитриев аатынан кытыл, Ленин болуоссата, Кыайыы паарката уо.д.а.