Саҥа спорт комплекса баар буолла

«Звезднай» дьоҕус түөлбэ сабыылаах катоктаах элбэх функциялаах саҥа спорт комплекса – уочараттаах 10-с Оҕо спорт оскуолата – «Демография» нацбырайыак «Спорт – олох нуормата» бырайыагынан олоххо киирдэ.
5 тыһ. кв миэтэрэттэн тахса иэннээх комплекс икки хоккей кортаах, универсальнай спорт саалалаах уонна Саха сиригэр бастакы кёрлининэн дьарыктанар суоллаах.
«Бу катокка ким баҕалаах кэлэн хаҥкылыан сөп. Спордунан уонна физкултууранан дьарыктанан, өй-санаа, эт-сиин өттүнэн кыахтаах буолуҥ!» – диэтэ Ил Дархан Айсен Николаев.

Дьокуускай куорат баһылыга Евгений Григорьев ааспыт сылга икки саҥа спорт сокуолата үлэҕэ киирэн, спордунан уонна физическэй култууранан дьарыктанар оҕо ахсаана 30% эбиллибитин бэлиэтээтэ. 
«Дойдуга үлэлиир национальнай бырайыактар уонна өрөспүүбүлүкэ, Айсен Николаев өйөбүллэринэн спорт эбийиэктэрин тутуу тэтимнээхтик ыытыллаллар. Онон спорт инфраструктуратын үбүлээһин кэлэр көлүөнэҕэ инвестиция буолар!» – диэтэ Евгений Григорьев.
Бэлиэтээн эттэххэ, саҥа 10 №-дээх оҕо спорт оскуолатыгар 840 оҕо спорт хоккей, фигурнай хаҥкылааһын, шорт-трек, керлинг курдук сонун көрүҥнэри таһынан, үгэс буолбут футболунан, волейболунан, көҥүл тустуунан, боксанан дьарыктаныаҕа, диэн Олохтоох дьаһалта пресс-сулууспата иһитиннэрэр.