Саҥа үөрэх дьылыгар туох уларыйда

Бэрээдэк сыаната

Быйылгыттан оскуолалар 2-8 кылаастарга бэрээдэк, тутта-хапта сылдьыы иһин сыана туруоруохтарын сөп. Бу булгуччулаах ирдэбил буолбатах, үөрэх тэрилтэтэ бэйэтэ быһаарыныы ылынар.

 История уонна обществознание

Обществознание быйылгыттан 9-11 кылаастарга эрэ үөрэтиллэр буолла. 6-8 кылаастарга урут обществознаниеҕа тыырыллыбыт чаастар историяны дириҥэтэн үөрэтиигэ ананнылар.

Саҥа биридимиэттэр

Сыл иккис аҥаарыттан 5-7 кылаастарга «Духовно-нравственная культура России» диэн куурус киирэр. Маны таһынан «Основы безопасности и защиты Родины» дьиссипилиинэ «Безопасность жизнедеятельности» уонна «Начальная военная подготовка» икки кууруска араарыллан үөрэтиллэр.

Омук тыла

5-7 кылаастарга омук тылын үөрэтии чааһа аччаата. 8-9 кылаастарга чааһа оннунан хаалла. Омук тылын үөрэтии булгуччулаах биридимиэтинэн хаалар.

Профориентация

Булгуччулаах «Россия - мои горизонты» үөрэтэр куурус киирэр - 8 үөрэнэр чаастаах. Араас идэлэр, регион экономиката, Саха сирин сүрүн тэрилтэлэрэ, инникитин үлэ-хамнас хайдах оҥостуохха сөбүн туһунан кэпсииллэр.

Эпиири толору манна көрүөххэ сөп.