Саҥа нолуок вычетын киллэриэхтэрэ

«2026 сыл балаҕан ыйын 1 күнүттэн РФ Нолуок кодексатыгар уларыйыылар федеральнай сокуон № 418-ФЗ-нан күүһүгэр киирэллэр. Докумуоҥҥа олоҕуран, гражданнар уһун болдьохтоох үп-харчы мунньунууларыгар нолуок вычета, 2025 сыл тохсунньу 1 күнүттэн түһэрсиллибит уһун болдьохтоох олоҕу страховкалааһын дуогабардарынан төлөммүт страховка усунуостарыгар бэриллиэҕэ», — диэн сурукка этиллэр.

Министиэристибэ бэлиэтииринэн, саҥа киллэрии Арассыыйа олохтоохторун уһун болдьохтоох үбү-харчыны мунньунууга интэриэстэрин үрдэтиэҕэ. Төннөр харчы кээмэйэ төлөммүт страховка усунуостарын сууматыттан уонна тус сирэйдэр дохуоттарыгар нолуок ыстаапкатыттан тутулуктаах буолуоҕа.

Маны таһынан, балаҕан ыйын 1 күнүттэн оҕолорун туһугар усунуос төлүүр төрөппүттэр кыахтара кэҥиэҕэ. Вычет ылыахха сөп муҥутуур суумата 400 тыһыынчаттан 500 тыһыынча солкуобайга диэри улаатыаҕа. Вычет быраабылаларын уонна кээмэйин туһунан сиһилии Федеральнай нолуок сулууспатыгар билэргэ сүбэлииллэр