Саҥа маршруттар тэриллиэхтэрэ

Бу туһунан Куорат дууматын урбааҥҥа, промышленнаска, эргиэҥҥэ уонна тырааныспарга сис кэмитиэтин мунньаҕар Олохтоох дьаһалта Суол инфраструктуратыгар уонна тырааныспарга департаменын салайааччыта Эдуард Садовников иһитиннэрдэ.

Маршрут 14-тэн 20 км диэри уһуннаах буолара сабаҕаланар. Лииньийэҕэ кыра кылаастаах ПАЗ оптуобустары туруорары былаанныыллар.

Маны сэргэ «Севернэй» дьоҕус түөлбэҕэ суол инфраструктурата бэлэмин иһитиннэрдилэр. Онон манна эмиэ оптуобус сырыыта тэриллиэҕэ. Бастаан утаа сайыҥҥы кэмҥэ сылдьар маршрут олохтонуоҕа.

«Звезднай» түөлбэ олохтоохторугар билиҥҥитэ 1 уонна 4 №№-дээх оптуобустар сылдьаллар. Саҥа дьиэлэр киирэн истэхтэрин аайы уопсастыбаннай тырааныспарынан хааччыйыы салгыы күүһүрүөҕэ.

Куорат дууматын пресс-сулууспата иһитиннэрэринэн, дьокутааттар уопсастыбаннай тырааныспар боппуруоһугар дьоһун болҕомтону уураллар.

Санатар буоллахха, Куорат дууматын урбааҥҥа, промышленнаска, эргиэҥҥэ уонна тырааныспарга сис кэмитиэтин састыыбыгар дьокутааттар Ольга Шерстянникова, Кирилл Соболев, Филипп Седых, Дмитрий Чибирев уонна Александр Яковлев бааллар.