Саҥа фонтан Оҕо көмүскэлин күнүгэр холбонуоҕа

Бэс ыйын 1 күнүгэр Дьокуускайга Өрөспүүбүлүкэ болуоссатын фонтанын холбуохтара.
Ол туһунан официальнай социальнай ситимнэргэ быһа эпииригэр СӨ Архитектураҕа уонна куораты тутууга управлениетын салайааччыта Любовь Папок иһитиннэрэн турар.

«Былаан быһыытынан, фонтан бэс ыйын 1 күнүгэр холбонуоҕа. Ол эрээри, халлаан туругуттан көрөн, эрдэ даҕаны холбонуон сөп. Фонтан систиэмэтэ туһааннаах температураны эрэйэр», – диэн чопчулаан турар Любовь Папок.
Өрөспүүбүлүкэ кылаабынай архитектора маны сэрэ Бүтүн Арассыыйатааҕы рейтиннээх куоластааһыҥҥа кыттыыны ыларга ыҥырбыта. Муус устар 21 күнүттэн бэс ыйын 12 күнүгэр диэри үгэс буолбут сылын аайы ыытыллар Бүтүн Арассыыйатааҕы куоластааһын «Олох инфраструктурата» нацбырайыак иитинэн ыытылларын санаппыта.
Любовь Папок бэлиэтээбитинэн, быйылгы куоластааһыҥҥа өрөспүүбүлүкэ 35 нэһилиэнньэлээх пуунуттан 70 эбийиэк киирбит. Санатар буоллахха, 2019 сылтан дойду баһылыга Владимир Путин көҕүлээһининэн олоххо киирэр бу бырайыак иитинэн 101 уопсастыбаннай туона тупсарылынна, ол иһигэр Дьокуускай куоракка Сайсары эбэ кытыла. Бу туһунан Ил Дархан уонна Бырабыыталыстыба пресс-сулууспата иһитиннэрэр.